සයුරේ රළ සේ...

සයුරේ රළ සේ... අහසේ තරු සේ...

මිතුදම් පවතී... ලොව සැමදා...

අපි YOUNG ASIA TELEVISION (YATV) වැඩ කරන කාලේ අපිට ආයතනය තුළ සෑහෙන නිදහසක් තිබ්බා නිතරම හොඳ වැඩසටහන් කරන්න... ඒ වගේම හොඳ නිර්මාණාත්මක අදහස් තියෙන කොල්ලෝ කෙල්ලෝ පිරිසක් වගේම නිර්මාණාත්මක සහ සමාජයට, රටට වැදගත් නව ආකාරයේ වැඩසටහන් සෑහෙන ප්‍රමාණයක් ඒ කාළේ අපි අතින් නිෂ්පාදනය උනා.

ඒ වැඩ සටහන් කරගෙන යන අතරතුර ජොලියට වගේ සිංදුවක් කරන්න කියලා කට්ටිය සෙට් උනා. ඒ අනුව 1999 - 2000 වසර වල මේ ගීතය අපි අතින් බිහිවෙලා ලංකාවේ විතරක් නෙවෙයි හැම රටකම වගේ ඉන්න අපේ සිංහල ප්‍රජාව අතර ඉතාමත් ජනප්‍රියම ගීතයක් බවට පත්වුනා. 

"සයුරේ රළ සේ" මේ ගීතය කියවෙන්නේ තනිකරම සැබෑ මිතුරන් අතර ඇති මිතුදම ගැනයි. අමල් අල්විස් ගේ අපූරු පද රචනයෙන් වචන පෙළ හැදිලා කපිල පූගලාඅරච්චිගේ අපූරු සංගීත තුළින් නිර්මාණය වන මේ ගීතය නෙලූ අධිකාරි සහ කපිල පූගලඅරච්චිගේ අපූරු ගායනයෙන් හැඩවෙනකොට අත්වැල් ගායනයට මේ කියපු මිතුරු මිතුරියන් හැම දෙනෙක්ම දායකවුනා. 

රචනයේ සිටම තනු නිර්මාණය, සංගීත නිර්මාණය, ගායනය පටිගත කිරීම, රූප රචනය, රූපගත කිරීම, සංස්කරණය දක්වා වු සියඑම කටයුතු වලට මේ කියන මිතුරන් සියළු දෙනා එකා වගේ දායක උනා වගේම සියළුම කටයුතු සිදුකළේ YATV ආයතනය තුලයි... ඒ වගේම ගීතයේ අපි ටික දෙනෙක් රඟපෑවට මේක සාර්ථක කර ගන්න අපේ YATV තුළ එකට වැඩකරපු මේ ලිපිය සමඟ Tag කරන සියළුම මිතුරන් සෑහෙන පිරිසක් මේ ගීතය පිටිපස්සෙන් හිටියා. 

ඒ කාළේ සිරස TV නිෂ්පාදනය කරපු නාරද තනුජාගේ 'රස රිසි ගී' වැඩසටහනේ සිංදු චාට් එකේ මුළටම මේ ගීතය ඇවිල්ලා සෑහෙන ජනප්‍රියත්වයක් ලැබුණා. අදටත් මේ ගීතය අතරින් පතර TV එකේ නැතත් රේඩියෝ එකෙන් ඉදලා හිටලා ඇහෙනකොට විවිධ පළාත්වල විවිධ රටවල ජීවත් උනත් අපේ මිතුරන් අතර ඒ ඇතිවුනු මිතුරුකම නිතර හමු නොවුනත් තාමත් ඒ විදියටම අපි අතර තිබීම ඉදහිට හෝ ඇසෙන ඒ ගීතයට අරුතක් ගෙනදෙනවා.

ගීතයේ පද රචනය හා රූපවාහිණීය සඳහා රූප රචනය - අමල් අල්විස්...

තනු නිර්මාණය සහ සංගීතය - කපිල පූගලාඅරච්චි...

ගීතය පටිගත කිරීම(Mix and Master) කරලා ගීතය හැඩ වැඩ කළේ - අරූන් කුමාරස්වාමි... 

ගායනය - නෙලූ අධිකාරි - කපිල පූගලඅරච්චි සමඟ අපි හැමෝම...

රඟපෑම - අපි හැමෝම...

රූපවාහිණියෙන් මේ ගීතය දැන් පේන්න නැති නිසා youtube link එක දාන්නම්... 

නැවත වරක් එය නරඹා මතකය අලුත් කර ගන්න...

Original song music video You tube link - https://youtu.be/w96qpDsBNb8


- ධම්මික සමරතුංග -

#DhammikaSamaratunga...





 

Comments

Post a Comment

Popular posts from this blog

BMW රථයක අවසන් ගමන් යාම...

Image
සාමාන්‍යයෙන් මනුස්සයෙක් මැරුණම අපි ඒ ගෙදර දකින්නේ සාම්ප්‍රදායික මළ ගෙයක්නේ. භූමදානය දවසේ දකින්නේ මියගිය තැනත්තාගේ පෙට්ටිය සමඟ පිටුපසින් ගමන් කරන ශෝකයෙන් පෙළෙන්නන්, නෑදෑයින් සහ හිතවතුන් සහිත සාම්ප්‍රදායික අවමඟුල් පෙරහැරක්නේ. ඉන් පස්සේ සාම්ප්‍රදායික අදාහණයක් හෝ භූමදාණයක්නේ.  ඒත් දැන් කාලේ යහමින් මුදල් ඇති සහ ගෙදර දොරේ ඉඩකඩ මදි උදවිය මේ සඳහා අවමංගල්‍යයාගාරයේම සකස් කර ඇති කුඩා ශාලාවක් වැනි තැනක් මේ සඳහා යොදා ගෙන වැඩ කටයුතු නිමා කර ගන්නවා.  මේ දෙකටත් අමතරව ඊටත් එහා ගිය දෙයක් අගනුවර කේන්ද්‍රස්ථානය කරගෙන VIP ලේබලය යටතේ කෙරෙනවා. එහිදී කෙරෙන්නේ මේ අවමංගල්‍යය වැඩකටයුතු සඳහා තමන්ටම කියා නිවසක් මේ දවස් දෙක හෝ තුන සඳහා කුලියට ගැනීමට පුළුවන් වීමයි. එහි පහසුකම් අතර සනීපාරක්ෂක පහසුකම් සහිත කාමර වලින් සමන්විත ගෙයකට සමාන ඉඩ පහසුකම් හා සියළුම අවශ්‍ය කරන බඩු බාහිරාදිය සහිත ශාලාවක් ලැබෙනවා. ඊට අමතරව වාහන නැවතීමේ පහසුකම් සහිත විශාල මිදුලක්ද මේ නිවසේ තිබෙනවා. නමුත් අදාහණය හෝ භූමදාණය සිදුවන්නේ එකම සාමාන්‍ය විදියටමයි. සමහරවිට මුදල් තිබෙන ආකාරයට සහ මැරුණු පුද්ගලයාගේ වටිනාකම අනුව ඔහු බහාලන පෙට්ටියේ වටින...
Read more

රිටි පන්න...

Image
මේ ඡායාරූපය මම ගත්තේ 2014 වර්ෂයේ ඒ කාළේ මගේ ළඟ තිබුණ ස්මාර්ට් දුරකථනයකින්. ඒ ඇමෙරිකානු ජනප්‍රිය රූපවාහිණී වැඩසටහන් කිරීමට පෙර එහි ගිය අවස්ථාවකයි.  මේ ඡායාරූපයේ තිබෙන හබරාදුව, කොග්ගල රිටි වළින් මාළු අල්ලන තැන ඔබ හැමෝම දන්නවා වගේම දැකලත් ඇති. මෙතැන ලංකාවේ වගේම ලෝකයේ හැම රටකම වගේ සංචාරකයින් අතර සෑහෙන ජනප්‍රිය තැනක්. විශේෂයෙන්ම මෙතැනට ඇළුම් කරන මෙතැනම හොයාගෙන එන දේශීය වගේම විදේශීය සංචාරකයන් බොහෝමයක් ඉන්නවා. ඒ වගේම ලංකාවටම ආවේනික වුනු මේ මසුන් අල්ලන ක්‍රමය, මිනිසුන් සහ මෙම ස්ථානයට අදාලව විවිධ ජාතියේ කළාත්මක ඡායාරූප ලෝකය පුරාම ඉමහත් ජනප්‍රියත්වයක් ලබාගෙන තිබෙනවා. ලංකාවේ සංචාරක කර්මාන්තය වගේම ලංකාව ගැන හඳුන්වන ඕනෑම ලිපියක හෝ ඡායාරූප එකතුවක මෙතැන සහ මේ මිනිසුන්ගේ ඡායාරූපයක් වරදින්නේ නම් නෑ... ඒ තරමටම මෙතැන ලෝකය පුරාම ජනප්‍රිය තැනක්. ඇමරිකාවේ තවමත් ජනප්‍රිය 'රියැලිටි ට්‍රැවල් ප්‍රෝගෑම්' එකක් වන Amazing Race වැඩසටහන කාළයක් යනකොට ලෝකයේ වෙනත් රටවලත් ජනප්‍රිය වීමට පටන් ගන්නවා. ඉන්පසු ඔවුන් මෙම වැඩසටහන රූපගතකිරීම් ලෝකයේ අනෙක් රටවලටත් ව්‍යාප්ත කරනවා. එහි ප්‍රතිඵලයක් විදියට Amazing Race in Asi...
Read more